News

రాహుల్ గాంధీ పర్యటన ఖరారైంది


రాహుల్ గాంధీ ఆంధ్రప్రదేశ్ పర్యటన ఖరారైంది. ఆయన ఈ నెల 24న అనంతపురం జిల్లాలో పర్యటిస్తారు. తన పర్యటనలో భాగంగా ఆయన ఆత్మహత్యలకు పాల్పడిన రైతుల కుటుంబాలను పరామర్శిస్తారు. ఉదయం 9 గంటల నుంచి మధ్యాహ్నం 2.30 గంటల వరకూ పది కిలోమీటర్లు పాదయాత్ర చేస్తారు. కాంగ్రెస్ నాయకుడు కుంతియా శనివారం విలేకరుల సమావేశంలో ఈ వివరాలను వెల్లడించారు. తెలంగాణ సీఎల్పీ నాయకుడిగా జానారెడ్డిని మారుస్తున్నట్లు వచ్చిన వార్తలను ఆయన తోసి పుచ్చారు. డిఎస్ పార్టీ మారడం వల్ల కాంగ్రెస్ కు వచ్చిన నష్టం ఏమీ లేదని ఆయన అన్నారు. వరంగల్ ఉప ఎన్నికల విషయంలో మీరాకుమార్ పేరు ప్రస్తావనకు రాలేదని స్పష్టం చేశారు.